UBT

UBT Follow

Welcome to the official Instagram account of the UBT Higher Education Institution

http://www.ubt-uni.net/

2,408 Followers  0 Follow

Share Share Share

Njoftim: UBT fton studentët të aplikojnë për Shkollën Verore “AIPES 2019”, në Çeki

The Fund for American Studies (TFAS) ka nisur organizimin e Shkollës Verore “AIPES 2019”, që çdo vit mbahet në Charles University, në Pragë të Çekisë.

Këtë vit, shkolla synohet të fillojë prej 6-27 korrik 2019, teksa në edicionet e kaluara kanë aplikuar dhe kanë qenë përfitues të bursave për pjesëmarrje disa studentë të UBT-së.

AIPES është një program unik që mbledh rreth 100-110 studentë nga Amerika Veriore, Evropa, Lindja e Mesme, Afrika e Veriut dhe Azia Qendrore, për të eksploruar çështje themelore që lidhen me filozofinë politike, ekonominë politike dhe menaxhimin e konfliktit.

Shtrirja e gjerë e nacionaliteteve, feve dhe etnive të përfaqësuara në AIPES, u jep pjesëmarrësve mundësinë për të bashkëvepruar, për të mësuar dhe për të ndarë përvojat e tyre, në mënyrë që të përfitojnë zhvillim arsimor dhe profesional.

Aplikimi është hapur, ndërkaq afati i fudnit për studentët që u nevojitet viza nga shteti i Çekisë, afatin e fundit për aplikim e kanë më 15 mars, ndërkaq për aplikuesit e tjerë është data 1 prill.

Më shumë informata mbi programin mund të gjeni në: http://www.tfasinternational.org/?programs=aipes&details=true , kurse aplikimin online mund ta bëni: https://app.applyyourself.com/AYApplicantLogin/fl_ApplicantLogin.asp?id=tfas-int.
Studenti Çlirim Qeriqi është punësuar në IndeksOnline

Çlirim Qeriqi është student i vitit të dytë në Fakultetin Media dhe Komunikim, i cili tashmë është i punësuar si gazetar në portalin IndeksOnline.

Çlirimi iu bashkua IndeksOnline disa muaj më parë si praktikant, falë bashkëpunimit mes UBT-së dhe IndeksOnline, që të dërgojnë studentë për praktikë me mundësi punësimi.

Pas një rezultati tejet të mirë, puna e tij është pëlqyer nga redaksia, të cilët edhe e angazhuan si gazetar të rregullt. “Studimet dhe njohuritë që kam marrë në UBT më kanë ndihmuar shumë. Gjërat që i kam mësuar në studime po i zbatoj vazhdimisht edhe në praktikë”, tha ai.

Çlirimi është vetëm një nga studentët e shumtë të Fakultetit Media dhe Komunikim, që janë punësuar edhe po e japin kontributin e tyre për përmirësimin e jetës së qytetarëve.
Studenti Edonit Behluli ka filluar praktikë në portalin InFokus

Studenti i Fakultetit Media dhe Komunikim, në UBT, Edonit Behluli, ndonëse në fillim të vitit të parë të studimeve, megjithatë ka filluar menjëherë praktikën në portalin InFokus, në cilësinë e gazetarit.

Ai theksoi se duke e marrë parasysh faktin që ende është në fillim të studimeve, mësimet që i ka fituar në UBT, i kanë dhënë njohuri të nevojshme për nisjen e karrierës së tij si gazetar. “Mënyra e komunikimit me studentët, kushtet që i ofron UBT për studentët dhe profesionalizmi që ka, më kanë befasuar dhe përfundimisht mendoj se UBT është në një tjetër nivel. Ky drejtim është i mbushur me kuadro profesionale, që bën që suksesi i studentëve të mos mungojë”, vlerësoi Edoniti.
Studentët e UBT-së vizituan kompaninë Jaha Solar dhe panë në UNMIK efektin e punës së tyre

Studentët e vitit të dytë në Fakultetin e Inxhinierisë të Energjisë, kanë realizuar vizitë studimore në kompaninë Jaha Solar.

Të udhëhequr nga profesorët në UBT, Vehebi Sofiu dhe Faton Maloku, ata panë nga afër ndërtimin e paneleve solare.

Gjatë vizitës, menaxherja e kompanisë, Saranda Bytyqi u shpjegoi studentëve rreth funksionimit dhe shfrytëzimit të sistemeve të energjisë solare, materialeve dhe teknikave që përdorin gjatë punës në kompani.

Për të parë efektin e punës së kësaj kompanie, studentët vizituan edhe selinë e UNMIK-ut, ku u pritën nga inxhinieri i elektrikës, Astrit Bokshi, i cili i njoftoi me sistemin sistemin fotovoltaik, teksa në fund u dha studentëve hapësirë për të parashtruar pyetje dhe për të diskutuar mbi temën.

Gjatë këtij semestri, studentët e këtij fakulteti kanë realizuar një varg vizitash studimore në institucione dhe kompani të ndryshme, gjatë të cilave mësuan mbi mënyrën e funksionimit dhe të punës që kryhet në kuadër të secilës.
Qendra Këshilluese, mbështetje kryesore psikologjike për studentët e UBT-së

Suksesi dhe performanca pozitive e studentëve është një ndër aspiratat kryesore të UBT-së, prandaj edhe ekzistojnë mekanizma mbështetës për studentët në të gjitha aspektet e mundshme.

Mbi këtë parim, UBT ka themeluar Qendrën Këshilluese për Studentë, që udhëhiqet nga psikologia Vjollca Pllana-Shahini, e cila ofron këshillim dhe mbështetje pa pagesë për shëndetin mendor dhe emocional për studentët e UBT-së.

Që nga prilli i këtij viti, kur edhe janë regjistruar rastet e para në qendër, nga këshillimi psikologjik kanë përfituar dhjetëra studentë të UBT-së, teksa qendra ka shënuar rritje e vazhdueshme edhe në numrin e studentëve që janë të gatshëm të adresojnë dhe të trajtojnë shqetësimet e tyre.

Në kuadër të saj ofrohen një varg shërbimesh, përfshirë këshillimin individual, këshillimin grupor, punëtoritë dhe programin përkrahës të bashkëmoshatarëve (studentët për studentët). Një mobilizim të tillë të studentëve që të kujdesen për shëndetin e tyre, psikologia Pllana – Shahini e konsideron si një hap shumë pozitiv. “Është shpresëdhënës fakti se të rinjtë tanë dita-ditës po i thyejnë tabutë dhe stigmat kulturore e sociale për të kërkuar ndihmë profesionale. Kujdesi për shëndetin mendor është po aq i rëndësishëm sa kujdesi për shëndetin fizik. Në fakt, trupi dhe mendja janë një”, u shpreh ajo.

Qendra Këshilluese është e hapur për të gjithë studentët e të gjitha programeve dhe të secilit nivel të studimeve, çdo ditë pune nga 09:00-17:30.
Qendra gjendet në Kampusin Inovativ, në Lipjan, në Objektin 3, zyra G303. 
Tё gjithё studentët që janë të interesuar mund tё kërkojnë termin duke kontaktuar personalisht me psikologen Vjollca Pllana Shahini apo përmes email-it: qendra.keshilluese@ubt-uni.net.
Studentët e Shkencave Politike vizituan Qeverinë e Kosovës dhe Komunën e Prishtinës

Studentët e vitit të parë të Fakultetit Shkenca Politike kanë realizuar vizitë studimore në Qeverinë e Kosovës, në kuadër të lëndës “Politika e Qeverisjes Lokale”, me profesorin Besnik Tahiri.

Studentët janë njoftuar me funksionimin e përgjithshëm të ekzekutivit, ku edhe kanë vizituar ambiente të ndryshme të qeverisë.

Në kuadër të po të njëjtës vizitë, ata kanë vizituar edhe Komunën e Prishtinës dhe Kuvendin Komunal, ku kanë marrë informata të shumta rreth strukturës organizative të komunë dhe qeverisjes lokale të saj, për të cilat u njoftuan nga zv. kryetari i Prishtinës, Selim Pacolli.

Në fund të secilit takim, studentët patën mundësi të bëjnë pyetje dhe të diskutojnë mbi rolin dhe përgjegjësitë e secilit institucion që vizituan.
Në UBT po mbahet trajnimi për Sistemin e Informacionit Gjeografik (GIS)

Studentë, inxhinierë, arkitektë, ambentalistë, zyrtarë nga ministritë, zyrtarë komunal dhe nga OJQ-të, po marrin pjesë në trajnimin profesional Sistemi i Informacionit Gjeografik (GIS), që është organizuar nga UBT-ja, trajnim i cili do t’u ndihmojë në punën e tyre të përditshme.

Falë këtij trajnimi pjesëmarrësit do të përfitojnë njohuri për GIS-in dhe do të aftësohen në gjeoreferencimin, digjitalizimin, bazën e të dhënave, vizualizimi, formatizimi etj.

Trajnimi po mbahet në qendrën e UBT-së, në Prishtinë, nga ligjëruesi Hazir Çadraku, si dhe do të zgjasë përgjatë pesë ditëve, çdo ditë nga 2 orë mësime teorike dhe praktike.

Pjesëmarrësit në këtë trajnim në fund do të testohen, teksa për vijim të suksesshëm do të pajisjen me certifikata.

GIS-i është një sistem kompjuterik që ndihmon në grumbullimin, ruajtjen, sistemimin, analizimin, vizualizimin, menaxhimin, raportimin, administrimin dhe përkrahjen e proceseve të vendimmarrjes në lidhje me të dhënat dhe informacionet hapësinore.
Drenica Lauka nga UBT, pjesëmarrëse në konferencën “E drejta e Autorit në Kohën Digjitale”

Udhëheqësja e Qendrës për Transferimin e Teknologjisë, Drenica Lauka, ka marrë pjesë në Konferencën Rajonale “E drejta e Autorit në Kohën Digjitale” që u organizua nga Zyra për të Drejtat e Autorit dhe të Drejtat e Përafërta.

Pjesë e kësaj konference ishin personalitete të njohura dhe përfaqësues institucionesh vendore dhe rajonale, që merren me mbrojtjen e të drejtave të autorit, në një kohë kur, për shkak të zhvillimit të teknologjisë, është paraqitur edhe problemi i mbrojtjes së të drejtave të autorit dhe të drejtave të përafërta.

Qendrën për Transferimin e Teknologjisë është rrugë për mbrojtjen dhe patentimin e dhjetëra ideve që çdo vit burojnë nga stafi dhe studentët dhe kjo e bënë UBT-në institucionin e parë dhe të vetëm në Kosovë e rajon që ka themeluar një qendër që i del në mbrojtje pronës intelektuale.
UBT ngushëllon popullin amerikan për vdekjen e ish-presidentit George HW Bush

Rektori i UBT-së, Edmond Hajrizi, në emër të institucionit të cilin ai e drejton, ngushëllon familjen Bush dhe popullin amerikan për vdekjen e ish-presidentit të SHBA-ve, George HW Bush. “Devotshmëria dhe përkushtimi në shërbim të vendit të tij është inspirim për të gjithë ne.

Do të jemi përherë mirënjohës për mbështetjen e tij të palëkundur, për aspiratat e popullit tonë për liri dhe demokraci, duke kujtuar edhe “mesazhin e Krishtlindjeve” në vitin 1992 ndaj regjimit të Millosheviçit ku vendoi vijën e kuqe për luftë në Kosovë.

Zoti e bekoftë shpirtin e tij dhe popullin amerikan”, thuhet në telegramin e ngushëllimit të rektorit Hajrizi.
Përfaqësuesit në UBT, marrin pjesë në takimin e thirrur nga ministri i Drejtësisë Abelard Tahiri

Drejtori për Çështje Akademike në UBT, Muhamet Ahmeti dhe dekanja e Fakutetit Juridik, Jorida Xhafa, kanë marrë pjesë në takimin e thirrur nga ministri i Ministrisë së Drejtësisë, Abelard Tahiri, ku morën pjesë edhe përfaqësues të universiteteve publike dhe private të cilat në programet e tyre kanë Fakultetin Juridik.

Gjatë këtij takimi është diskutuar ngritja e cilësisë në studime, harmonizimi dhe reformimi i kurrikulave me nevojat e tregut të punës.

Tutje, u tha se është e rëndësishme bashkëpunimi në këtë aspekt mes Ministrisë së Drejtësisë dhe universiteteve sepse konsiderohet që institucionet e arsimit do të kontribuojnë në nxjerrjen e kuadrove profesionale, kuadro që do të ndihmojnë sistemin e drejtësisë që të jetë profesional dhe funksional.

Gjithashtu, ministri Tahiri theksoi se duhet të krijohen grupet punuese dhe do të mundësohet që të stafi akademik të përfshihet në hartimin e ligjeve, teksa studentët e Juridikut do të angazhohen në punë praktike në mënyrë që ata të aftësohen dhe ngriten profesionalisht në këtë fushë.

Arritja e një marrëveshjeje të tillë, sipas ministrit Tahiri, të jetë frytdhënës dhe do të jep rezultate pozitive në këtë aspekt.

Ministri Tahiri njoftoi se një takim i natyrë së tillë pritet të mbahet pas gjashtë muajsh ku do të konkretizohen propozimet, kërkesat dhe do të shpalosen idetë e analizuara nga ekspertë të çështjes.
NJOFTIM: Të premten, në UBT do të diskutohet për ndalimin e dhunës me bazë gjinore

Në kuadër të projektit “Promovimi i qasjes në drejtësi për gratë dhe grupet e cenuara dhe të margjinalizuara”, i përkrahur nga UNDP, të premten, më 7 dhjetor, nga ora 14:00, në UBT do të mbahet tryezë diskutimi për informimin mbi dhunën në familje, ku mendimet dhe analizat e tyre do t’i ndajnë ekspertë të fushës. 
Gjatë këtij aktiviteti do të mbahet edhe sesioni infomativ për studentë, në lidhje me temën dhunës në familje dhe qasjes në drejtësi përmes ndihmës juridike falas, për të cilën do të flasë koordinatorja nacionale kundër dhunës në familje nga Policia e Kosovës,  Tahire Haxholli. 
Pjesëmarrës në këtë aktivitet do të jenë edhe përfaqësues nga UNDP dhe nga Ambasada e Norvegjisë në Kosovë.
Në UBT po mbahet trajnimi për MS Project

Studentë dhe menaxherë nga institucione të ndryshme të vendit janë duke ndjekur trajnimin MS Project që është duke u mbajtur në UBT, trajnim i cili ka të bëjë me planifikimin, përcjelljen dhe raportimin e progresit gjatë punës me projekt.

Trajnimi po mbahet në qendrën e UBT-së, në Prishtinë, nga trajneri i certifikuar nga Microsoft (MC Project certificate official learning tree UK), Besnik Skenderi, dhe do të zgjasë 24 orë.

Ata po trajnohen në krijimin e aktivitetit në aplikacion i cili mund të përsëritet gjatë jetës së projektit, importimin e aktiviteteve ekzistuese dhe importimin e tyre nga MS Outlook apo nga MS Exel, shkëmbimin e informatave me Ms Outlook dhe me MS Projekt Server, raporte të avancuara dhe konsolidim i projekteve.

MC Project bën pjesë në kuadër të pakos Microsoft dhe përmban një bazë të dhënash me tabela, filtra, fusha dhe kalendarë që lehtësojnë punën dhe minimizojnë kohën e përdoruesve të projektit.