UBT

UBT Follow

Welcome to the official Instagram account of the UBT Higher Education Institution

http://www.ubt-uni.net/

2,019 Followers  0 Follow

Share Share Share

Trajnohu dhe certifikohu në Profilin: Asistent Administrativ

Qëllimi i këtij programi është të trajnojë dhe certifikojë pjesëmarrësit për pozitën e Asistentit Administrativ, në mënyrë që ata të mësojnë për njohuritë dhe shkathtësitë profesionale të funksionimit modern të një Asistenti Administrativ.

Për më shumë informacione kontaktoni përmes email-it: trajnime@ubt-uni.net dhe tel: 038 541 400 ext.116
Studenti Argjend Berjani fillon intershipin në kompaninë “Virtuo”

Studenti i vitit të tretë në Fakultetin Sistemet e Informacionit në UBT, Argjend Berjani ka filluar intershipin si junior administrator në kompaninë “Virtuo”, kompani që merret me konsulencën dhe implementimin e teknologjive të ndryshme si harduerike, softuerike, rrjetave, etj. 
Studenti Berjani po merr përvoja profesionale nga ekipi i inxhinierëve të certifikuar dhe konsulentëve teknik, të cilët bashkërisht po ndihmojnë klientët për të përmirësuar biznesin e tyre duke u ofruar zgjidhje inovative me kosto efektive. 
Duke folur për studimet në UBT, Berjani tha se institucioni i ka ndihmuar shumë që të avancohet në aspektin profesional dhe se falë njohurive të fituara në teknologjinë informative ka arritur të hyjë në tregun e punës. “Konsideroj që rol shumë të rëndësishëm në avancimin tim si student i UBT-së kanë edhe profesorët që falë punës, përkushtimit, motivimit kam arritur që lehtësisht ti qasem tregut të punës”, tregoi studenti Berjani. 
Qindra studentë të të gjitha fakulteteve në UBT, ende pa i përfunduar studimet themelore arrijnë të vetëpunësohen ose të punësohen në institucione dhe kompani vendore e ndërkombëtare, ku falë profesionalizmit u besohen edhe pozita të ndryshme.
Në UBT diskutohet për rolin dhe funksionin e Dhomave të Specializuara të Kosovës

Gjykata Speciale nuk ka kryer misionin e saj dhe, për më tepër, i njëjti nuk është sqaruar asnjëherë. Kosova dhe Serbia nuk kanë nevojë vetëm për institucione ndëshkimi, por edhe për komisione pajtimi, që do të shërbenin për zgjidhjen e konflikteve që i kanë lënë prapa në integrim të dy shtetet. 
Kjo është thënë në konferencën “Dhomat e Specializuara të Kosovës: Një ndryshues i lojës politike apo një gjykatë tjetër ‘drejt shuarjes’”, që u organizua nga Instituti për Integrime Evropiane, Qendra Grotius dhe UBT. Për të diskutuar mbi rolin e Gjykatës Speciale, mënyrën e formimit, natyrën e vendimeve dhe të ardhmen e dy shteteve drejt integrimit evropian, mendimin  e tyre në cilësinë e njohësve të çështjes, e kanë dhënë lideri i Vetëvendosjes, Albin Kurti, udhëheqësi i panelit, Medlir Mema, lexuesi në Marrëdhënie Ndërkombëtare, Aidan Hehir, kërkuesja shkencore në Institutin e Kriminologjisë në Leuven, Furtuna Sheremeti, hulumtuesi i asociuar, Mathias Holvoet dhe asistenti në RIT Kosovo, Robert Muharremi. Sipas tyre, për të arritur këtë duhet kaluar nëpër një tranzicion të suksesshëm, duhet pasur mekanizëm që mbështetet nga njerëzit dhe qeveria, ndërkaq gjykatat duhet të jetë transparente, llogaridhënëse gjatë këtij procesi. 
Ky është forumi i tretë i organizuar nga Instituti për Integrime Evropiane, Qendra Grotius dhe UBT, përfshirë atë në Bruksel në mars të këtij dhe atë në Hagë në qershor.
Studenti Afron Rada fillon internship në Turqi

Studenti i Fakultetit Menaxhment, Biznes dhe Ekonomi, Afron Rada ka filluar punë praktike në njërën ndër kompanitë më të mëdha në Turqi, “CIVIL”.
Përgjatë praktikës tremujore, ai do të punojë në pjesën e marketingut dhe të tregtisë ndërkombëtare. 
Kompania në fjalë merret me prodhimtarinë e tekstilit për fëmijë dhe kozmetikë, ku ka 70 pika vetëm në Turqi, si dhe shumë të tjera në disa vende të botës.
Afroni tregoi se në UBT është përgatitur dhe i ka marrë  të gjitha njohuritë bazë  për profesionin që ka zgjedhur, andaj edhe është sistemuar kaq lehtë në këtë praktikë. “Studimet në UBT më kanë ndihmuar shumë për të nisur karrierën time. Përmes njohurive që i kam marrë, falë gatishmërisë dhe bashkëpunimit të profesorëve, procedurat e punës nuk më duken të vështira dhe jam avancuar në zhvillimin e profesionit tim”, vlerësoi ai.
Studenti Afron Rada është vetëm një ndër studentët e shumtë të Fakultetit Menaxhment, Biznes dhe Ekonomi, në UBT, që kanë nisur praktikë dhe kanë gjetur punë, sepse programi është dizajnuar duke marrë në konsideratë kërkesat e tregut vendor e ndërkombëtar të punës.
Studio në profilin Administrator i sistemeve dhe i rrjetit kompjuterik

Ky program u ofron studentëve njohuri praktike dhe teorike të ndërlidhura me administrimin e sistemeve kompjuterike dhe të rrjeteve. 
Programi është i dizajnuar sipas kërkesave të tregut, duke ofruar mundësi të gjerë të punësimit.
Studentëve që do të ndjekin shkollë profesionale u ofrohet mundësia për të mësuar aftësitë praktike në krijimin dhe administrimin e sistemeve dhe rrjeteve kompjuterike, të përbëra nga produktet e Microsoft, Linux, Cisco, si dhe menaxhimit të sistemeve të bazave të të dhënave, ueb serverëve, etj.

Për më shumë informacione kontaktoni përmes email-it: trajnime@ubt-uni.net dhe tel: 038 541 400 ext.116
Studenti i UBT-së, Dorian Abdullahu lanson lojë për “App Store”

Studenti i Fakultetit Shkenca Kompjuterike dhe Inxhinieri në UBT, Dorian Abdullahu, ka lansuar lojën “Can’t tap this”, lojë kjo e cila funksionon në mënyrë shumë të veçantë. 
Abdullahu ka treguar se loja fillon me 15 sekonda dhe brenda kësaj kohe duhet të klikuar topin e bardhë. Ai tha se në këtë lojë lëvizja duhet të bëhet nonstop nëpër ekran dhe çdo pesë klikime të realizuara shtohen sekondat nga vetë loja. 
Studenti Abdullahu ka thënë se nga mësimet e vazhdueshme dhe njohuritë e fituara në UBT ka arritur që të lansojë lojë për sistemin iOS. 
Ky aplikacion nuk është i vetmi që studenti ka lansuar, pasi ai ka realizuar edhe disa projekte e aplikacione të tjera. “Për të lansuar këtë lojë më është dashur një muaj kohë, teksa si projekt është pëlqyer shumë sepse në ditën e publikimit ka hyrë në top 10 lojërat më të shkarkuara në App Store. Ky projekt sigurisht është realizuar falë njohurive dhe mundësive që i kam përfituar nga UBT-ja”, ka thënë ai. 
Tutje, Abduallahu bëri të ditur se shumë shpejt loja do të mund të shkarkohet nga përdoruesit në sistemin Android. 
Fakulteti Shkencat kompjuterike dhe Inxhinieri, si dhe Fakulteti Sistemet e Informacionit, janë programe nga të cilat diplomohen studentë të suksesshëm në fushën e teknologjisë dhe inovacionit. Ata ende pa i përfunduar studimet themelore arrijnë të bëhen pjesë e tregut vendor e ndërkombëtar të punës.
Flaka Syla e UBT-së, pjesë e Anhalt University of Applied Sciences

Studentja e Fakultetit të Arkitekturës dhe Planifikimit Hapësinor në UBT, Flaka Syla tash e tutje do të vazhdojë ngritjen e saj akademike në universitetin e njohur gjerman, Anhalt University of Applied Sciences, ku tashmë kanë nisur studimet edhe dhjetëra studentë të tjerë të UBT-së. 
Flaka tha se ka marrë vendim për të studiuar në UBT sepse ka besuar në ndërkombëtarizimin institucional dhe se kjo do i ndihmonte asaj që, përpos njohurive të fituara gjatë studimeve në Kosovë, të përjetonte edhe ndjenjën e të studiuarit në një vend evropian.
“Një nga përparësitë kryesore që kisha parasysh gjatë përzgjedhjes së institucionit ku doja të ndiqja studimet fillestare për arkitekturë ishte edhe mundësia për shkëmbim njohurish me universitete ndërkombëtare. UBT e mundëson këtë, andaj u lehtësuan tërësisht procedurat si në aplikim, ashtu edhe në përzgjedhje të lëndëve për shkak të planprogramit të ngjashëm që e kanë të dy institucionet”, tregoi ajo. 
Ajo vlerëson se Kosova ka nevojë për arkitektë profesionistë, andaj synon që të kthehet në vendlindje për të vënë në funksion praktik të gjitha dijet e fituara në UBT dhe në Anhalt University. 
Pranimi në këtë universitet gjerman nuk është suksesi i vetëm i Flakës. Gjatë dy viteve të para të studimeve në UBT, ajo ka marrë pjesë nëpër punëtori të ndryshme për arkitekturë, si dhe disa nga punimet e saj kanë qenë pjesë e ekspozitave studentore të fakultetit.
UBT ka akredituar Shkollën Profesionale të Gjuhës Angleze, e cila ofron kurse për studentët dhe të gjithë kandidatët tjerë të interesuar për të mësuar gjuhën angleze në këto nivele:
1. Beginner | 2. Elementary | 3. Pre-Intermediate | 4. Intermediate | 5. Upper-Intermediate | 6. Advanced
Dhjetëra të rinj entuziastë hakojnë në garën për siguri kibernetike “Hack Day Kosova 2018”

Hakerë të shumtë nga Kosova dhe rajoni, në mënyrë individuale dhe grupore, i janë bashkuar edicionit të tretë të garës më të madhe në vend për siguri kibernetike “Hack Day Kosova 2018”, që zhvillohet nën organizimin e divizionit UBT-CERT.
Dita e dytë e këtij aktiviteti është mbajtur në Kampusin Inovativ të UBT-së, në Lipjan, ku zhvilloi punimet gara për siguri kibernetike, garë në të cilën pjesëmarrësit identifikuan dobësitë në infrastrukturën fizike dhe virtuale të sistemeve të ndryshme, hakimin e infrastrukturës WI-FI, të dhëna dhe ueb aplikacione, si dhe hakimin fizik të pajisjes kompjuterike. Ata gjatë tërë ditës tentuan të gjejnë mangësi në sistemin e sigurisë, derisa të shtunën më 13 tetor, pas vlerësimit të dhënë nga juria profesionale do të ndahen çmimet për fituesit dhe certifikatat për pjesëmarrësit. Aktiviteti treditor “Hack Day Kosova 2018”, është organizuar për nder të Muajit Evropian për Siguri Kibernetike dhe bartë mesazh ndërgjegjësues për sigurinë kibernetike në shtetin e Kosovës. Si i tillë, aktiviteti ka ngjallur interesim edhe nga bizneset dhe organizatat e ndryshme, që po e mbështesin në forma të ndryshme këtë garë.
UBT është lider rajonal në fushën e fushën e Shkencave Kompjuterike, Sistemeve të Informacionit dhe jo vetëm, i cili çdo vit merr përsipër organizimin dhe mbarëvajtjen e aktiviteteve të tilla të rëndësishme dedikuar sigurisë kibernetike.
UBT, lider në edukim digjital dhe përgatitje të gjeneratës së re të inovatorëve në Kosovë

Që prej vitit 2001, UBT ka qenë nismëtar për sjelljen e inovacioneve të fundit teknologjike në Kosovë, duke shtyrë përpara revolucionin e digjitalizimit të sistemeve të vjetruara të kompanive dhe duke rikthyer në sistem gjithçka që deri në atë kohë konsiderohej si e pafunksionalizuar . Nga atëherë, UBT identifikohet si institucioni që ka përgatitur jo vetëm kuadro profesionale përmes ofrimit të programeve të edukimit me bazë teknologjinë, por edhe që ka ndihmuar drejtpërdrejt në procesin e digjitalizimit të industrisë në mbarë vendin. 
UBT vazhdon të mbetet referencë për Kosovën sa herë që vendi ynë ka nevojë për përfaqësim në botë.
Stafi dhe studentët e UBT-së e kanë përfaqësuar vendin tonë në ngjarjet më të mëdha botërore për inovacion e teknologji, madje edhe në vendet të cilat nuk e kanë njohur ende Kosovën si shtet, kjo pasi janë vlerësuar prurjet e reja përmes projekteve, punimeve dhe shpikjeve inovative, që i kanë shërbyer botës në vitet pasuese. 
Në UBT është themeluar dhe funksionon Parku Shkencor, që është i pari dhe i vetmi në Kosovë e rajon.
Nën gjirin e tij janë themeluar edhe Inkubatori Virtual, Qendra e Dijes, Qendra e Inspirimit
dhe Qendra e Transferimit të Teknologjisë, të cilat ekzistojnë dhe janë funksionale vetëm në UBT, e të cilat nxjerrin e mbështetin në vit qindra projekte inovative, të cilat kanë gjetur hapësirë për rritje e zhvillim vetëm në UBT.
Tash e 17 vite, përmes përfaqësimit dinjitoz në shumicën e garave, UBT i ka sjellë Kosovës çmimet dhe vlerësimet e para ndërkombëtare për teknologji e inovacion. 
Së fundi, UBT ka themeluar e licencuar Poliklinikën universitare më të madhe në rajon, ku janë inkuadruar e bashkuar përsosmërisht pajisjet mjekësore të teknologjisë së fundit dhe nevoja për shërbime cilësore, duke kontribuuar në sjelljen e një praktike tërësisht të re për vendin tonë dhe që shumë shpejt pritet ta marrin si model edhe institucionet e tjera.
Hakerë nga Kosova dhe rajoni, pjesë e garës për siguri kibernerike “Hack Day Kosova 2018”

Në objektin e UBT-së, në Prishtinë, ka filluar aktivitetin edicioni i tretë i garës kibernetike “Hack Day Kosova 2018”, organizim i cili zhvillohet nën kujdesin e divizionit UBT-CERT.
Dita e parë e këtij aktiviteti ka filluar me pritjen dhe regjistrimin e hakerëve që vijnë nga Kosova dhe rajoni, të cilët edhe janë njoftuar me rregullat e materialin.
Të premten më 12 tetor, do të mbahet gara ku do të sprovohen edhe njohuritë e pjesëmarrësve, të cilët do të testohen në tri kategori, Web Penetration Testing, WI-FI Hacking, Physical Hacking.
Ata do identifikojnë dobësitë në infrastrukturën fizike dhe virtuale të sistemeve të ndryshme, të ekspozuara për këtë garë, hakimin e infrastrukturës WI-FI , të dhëna dhe ueb aplikacione, si dhe hakimin fizik të pajisjes kompjuterike.
Vlerësimi do të bëhet nga juria e përzgjedhur, e cila është përgjegjëse për vlerësimin e raporteve sipas listës së pikëve që në total janë 100 pikë. Teksa, në ditën e tretë të “Hack Day Kosova 2018” do të shpallen fituesit dhe do të ndahen certifikatat për pjesëmarrësit. “Hack Day Kosova” është ngjarje që tash e tri vite organizohet nga UBT-CERT, aktivitet i cili është pranuar në fushatën më të madhe të BE-së dhe po promovohet në kalendarin e ngjarjeve, që do të organizohen në tetor në kuadër të muajit Evropian të Sigurisë Kibernetike (ECSM).
UBT shpall konkurs për pranimin e të rinjve në shkollën profesionale për programin Zhvillues i Aplikacioneve.

Të diplomuarit në shkollën profesionale për Zhvillues të Aplikacioneve zhvillojnë njohuritë dhe shkathtësitë e tyre për të punuar në industrinë e teknologjisë së informacionit në pozitat, si: zhvillues aplikacioni, programer, inxhinierë të softuerit, analistë të sistemeve, arkitektë softuerikë, etj.  Për më shumë informacione kontaktoni përmes email-it: trajnime@ubt-uni.net dhe tel: 038 541 400 ext.116